مبادرة "بايدينا نخليها جنة"

[ندعوك للتسجيل في المنتدى أو التعريف بنفسك لمعاينة هذه الصورة]


دلوقتى احنا عايزين نخلى بلدنا " جنة " .. وبإيدينا ..
طب قبل ما نقول أى حاجة ..
إحنا ليه عايزين نغيرها ونطورها ؟؟


[ندعوك للتسجيل في المنتدى أو التعريف بنفسك لمعاينة هذه الصورة]


أنا أجاوبكم على السؤال ده ..
إحنا عايزين نخليها .. جنة .. وعايزين نغيرها ونطورها
مش عشان تبقى بلد جميلة و.....و.... بس
لأ إحنا عايزين نغيرها لأن دى بلدنا
إحنا اللى عايشين فيها وإحنا اللى
هنغيرها بنفسنا لأننا أولادها
وبعدين ...لو مش احنا اللى غيرناها
وطورناها و.......و..... مين اللى هيعمل كدة ؟؟
لازم احنا اللى نعملها بأنفسنا وبأيدينا ....
طيب دى أول حاجة طب ايه هى الوسائل
اللى هتخلينا نغيرها أو بمعنى احسن .. ايه اللى هيخليها تبقى ..جنة..
والورق مرمى فى الشوارع ومفيش تعامل بيننا بأدب
وكمان مفيش حد بيعطف على الصغير وبيحترم الكبير
ومفيش حد بيساعد اللى محتاجين مساعدة
وبإختصار لكل الكلام ده .....
مفيش أحد بيتبع سنة رسوله ولا بيعمل اللى ربنا قال عليه
طب ده فى سلوكنا وفى تعاملنا وفى حياتنا اليومية
طب نعمل ايه .....؟ ما احنا مش لاقيين حل
وإنتى بتقولى لنا عايزين وعايزين ..
_ أنا بقى عندى الحل ..!!
عارفين ايه هو ؟؟... الحل هو الآتى :
أن نلتزم بهذا الكلام ونطبقة فى حياتنا اليومية

[ندعوك للتسجيل في المنتدى أو التعريف بنفسك لمعاينة هذه الصورة]



أنا مصرى ... هبدأ بنفسى .. هعامل ضميرى فى شغلى وحياتى
أنا مصرى ... هقول الحق ومش هسكت عن الظلم مهماكان
أنامصرى... هحترم الكبير وهعطف على الصغير وهساعد الناس المحتاجة للمساعدة
أنامصرى... هحترم رأى الآخرين وهتقبله ومش هيطلع منى لفظ يخدش حياء الآخريين
أنا مصرى ... هعامل الناس باحترام واقدرظروفهم ومعانتهمومش هسخر من حد مهما كان
أنا مصرى ... مش هدفع رشاوى ولا اكراميات تانى
أنا مصرى... مش همشى عكس الطريق بعربيتى
أنا مصرى ... هقول لا للفساد بأعلى صوتى
أنا مصرى ... هعرف حقوقى وواجباتى عشان محدش يتعدى على حقى ولا حق غيرى
أنا مصرى ... مش هرمى ورقة فى الشارع بعدكدة
أنا مصرى ... هعامل الناس بمنتهى الذوق والاحترام
أنا مصرى ... هساعد إخوانى فى كل حاجة
أنا مصرى ... مش هعمل حاجة تغضب ربى
أنامصرى... هصلى الفروض الخمسة فى أوقاتها
أنا مصرى ... هتبع سنة حبيبى رسول الله

[ندعوك للتسجيل في المنتدى أو التعريف بنفسك لمعاينة هذه الصورة]


طب احنا بردو مش فاهمين إحنا هنعمل ايه
وايه المطلوب مننا ؟؟
اممممم _ أولاً : إحنا هنعمل كلنا مش إنتوا بس ولا أنا بس
وأول حاجة نعملها نتبع الكلام اللى مكتوب فوق ده ..
ومش كدة وبس ...
لأ ده كمان فيه واجب ..
واجب ....!!!
_ عارفة إنكم مستغربين لكن أنا قصدى بواجب " واجب عملى "
وعشان مش نفضل نتكلم كتييير
أنا هقولكم يعنى ايه واجب عملى
واجب عملى يعنى إن أنا فى الأول أنوى إنى هعمل كذا ولازم أضع أمامى
هدف أو خطة عشان أمشى عليها ~~
يعنى ايه المطلوب دلوقتى ؟؟
_ المطلوب :_ إنك تنزل/ى وقول لأصحابك على الفكرة دى
وتبدأوا تعملوها خطوة خطوة وزى ما قلنا فى الأول لازم نعرف إحنا بنعمل كدة ليه
ولو كل واحد فينا إلتزم بالكلام ده أكيد هنغير بلدنا يعنى عايزين فعل .. مش كلا بس ..
ومحدش يقولى أنا لسة صغير ولا أنا مش هعرف أعمل كدة ولا الكلام ده كله
_ لأ انت مش صغير إنت أمل الأمة وإنت اللى هتبنى بلدك


[ندعوك للتسجيل في المنتدى أو التعريف بنفسك لمعاينة هذه الصورة]





أظن كدة مابقاش فى حجة ...ابدأ بنفسك
متسبش الأحداث تمركدة .. لازم يكون لك بصمة
لازم يكون لك عمل ايجابى
خليك ايجابى ,..

[ندعوك للتسجيل في المنتدى أو التعريف بنفسك لمعاينة هذه الصورة]


وعايزة دلوقتى من كل واحد فيكم يقولى هنعمل ايه تانى عشان نخليها جنة

ومش عايزة أحد يرد عليا يقولى ..شكراً أو جزاك الله خيراً أو .... ..
لا أنا عايزة كل واحد يدخل يوعدنى إنه هيلتزم بالحاجت دى وإنه هينزل
وينفذ كل حاجة من اللى احنا قلنا عليها وإنه هيلتزم بالواجب العملى
وكمان ياريت كل واحد يقول اقتراحاته حول هذا الموضوع
وكلكم تدعوا وتقولوا ان شاء الله ربنا يعيننا ويقدرنا على فعل كل خير
وربنا يبارك فيكم ويرزقكم الفردوس الأعلى بإذن الله
والسلام عليكم ورحمة الله وبركاته




*وأعتذر على الإطالة*



منقول للافادة

جزاكى الله خيرا
واكثر الله من امثالك
موضوع جميل ومفيد

جزاك الله خيرا على المرور

بارك الله فيكى موضوع جميل