فيلم اعضاء نور الصباح

سيف


احمد من المفترض أن يقوم في هذا المشهد بدور حمامة التمرجي الذي ذهب لمنزل أحد الأثرياء ليعطي له حقنة.
د/علياء

يا سيف حرام عليك المشهد اتعاد لحد دلوقتي 87 مرة .. دي ما كانتش من جملة يتيمة اللي حتقولها.


محمود

يا سيف كل المطلوب منك إنك تخبط على الباب وأما الخدامة تفتح لك تقول لها : " أنا حمادة التمرجي وجاي عشان أدي حقنة لمنصور بيه " .. صعبة دي يا سيف ؟؟!!

سيف

خلاص يا جماعة فهمت .. أنا مستعد يللا.


فيصيح محمود :
مشهد احمد التمرجي 88 مرة .. طاخ


يدق احمد على الباب تك تك تك .. فتفتح الخادمة له.


سيف :
إحمم إحمم .. أنا حمامة التمرجي .. إحممم .. وجاي عشاا ااا إحححمم .. كح كح كح .. خخخخخخحح.


د/علياء (صارخاً) :
ستووووووووب .. يا عم حرام عليك انت رايح تديله حقنة ولا ترجَّع عليه ؟؟


سيف :
كح كح .. معلهش يا دكتوره .. إحم إحححم .. أصل زوري محشرج شوية.


د/علياء :
زورك محشرج !!!! .. وسيادتك جاي تسلكه واحنا بنصور ؟؟


محمود (لد/علياء) :
أنا بقترح يا دكتوره لو تقول له يروح يتغرغر الأول في الحوض ويسلك زوره قبل ما نعيد التصوير.


د/علياء:
أنا شايفه كده برضه , وكمان بدل ما نطرش اللي في بطننا.


فيذهب سيف للحمام ويقوم بعمل غرغرة في الحوض ويعود مرة أخرى.


د/علياء :
إيه الأخبار يا سيف جاهز ؟؟


سيف:
جاهز قوي .. لو عايزني أغني كمان أنا مستعد.


محمود :
يا عمي مش عايزينك تغني .. عايزينك تقول الجملة اللي انت مطلع عيننا فيها دي ونخلص.


سيف :
طب يللا يا جماعة أنا مستعد.


فيصيح محمود :
مشهد احمد التمرجي 89 مرة .. طاخ


يدق سيف على الباب تك تك تك .. فتفتح الخادمة له.


سيف :
أنا حمامة التمرجي , وجاي عشااا .. عشااا .. عشااا .. هاتشوووووووم.


د/علياء (صارخاً) :
ستوووووووووووووب .. حرام والله حرام .. هو احنا نخلص من حشرجة زورك يطلعلنا العطس وفي وشنا كمان ؟؟


سيف:
معلهش يا دكتوره باينها بوادر برد عندي وراحت لحالها خلاص.


محمود (لد/علياء) :
أنا بقترح يا دكتوره لو تقول له يروح يغسل وشه في الحوض الأول قبل ما نعيد التصوير.